4 persona kanë ndërruar jetë për shkak të Covid 19 në 24 orët e fundit. Ministria e Shëndetësisë bëri me dije se viktimat janë një 65 vjeçar nga Tirana, një 65 vjeçar nga Shkodra, një 67 vjeçar nga Konispoli dhe një 84 vjeçar nga Durrësi. Përvec numrit të viktimave që sa vjen e shqetëson më shumë banorët, edhe numri i infeksioneve të reja, vijon të jetë në rritje. Në njoftimin zyrtarë të ministrisë, bëhet me dije se nga 5 mijë e 637 testime të kryera, 853 prej tyre kanë rezultuar pozitivë me covid 19. Tirana vijon të mbetet qarku më I rrezikuar, ku vetëm në 24 orët e fundit, janë shënuar 231 raste të reja. E ndjekur më pas nga Shkodra, Lezha dhe Durrësi. Ndërkohë, po në këtë hark kohorë janë shëruar 526 qytetarë, duke e çuar numrin e të shëruarve në 134 mijë e 802 që nga fillimi i epidemisë. Në Spitalin Infektiv 103 pacientë po marrin trajtim mjekësorë të specializuar, nga të cilët 16 prej tyre janë në gjendje më të rënduar. Në të gjithë vendin 10 mijë e 915 pacientë janë aktivë me covid19.