Kuvendi i Shqipërisë rrëzoi kandidaturën e Simon Mirakës si anëtar Autoritetit të Dosjeve të Ish-Sigurimit të Shtetit. Kandidatura e Mirakës u rrëzua nga maxhoranca, pasi ai u propozua në kuvend me firmën e ish kryeministrit Sali Berisha. Partia Socialiste e kishte shprehur edhe më parë qendrimin e saj lidhur me Mirakën, duke thënë se nuk do të votojnë asnjë kandidat të propozuar nga personar e shapllur ‘non grata’, duke iu referuar Berishës. Kjo cështje në fakt, krijoi debat mes dy palëve politike në seancën plenare të së enjtes. 64 deputetë votuan kundër kandidatit Simon Miraka, për tu emëruar si anëtar i Autoritetit të Dosjeve të Ish-Sigurimit të Shtetit. 17 të tjerë votuan pro dhe një deputet abstenoi. Miraka ishte më herët anëtar i Auroritetit, dhe tashmë kandidonte për një mandat të dytë, por duket se firma e ‘non gratës’ i kushtoi shumë.