Sali Berisha nuk ka besim tek Prokuroria e Posaçme për parandalimin dhe hetimin e krimeve zgjedhore apo rasteve të manipulimit të votës në zgjedhjet e 11 majit. “Unë nuk mund të besoj në shpallje të një organi që fle mbi dosje të tmerrshme të krimit elektoral, evidente, zyrtare, të mbledhura në përputhje me procedurën ligjore provat dhe faktet. Por, po qe se Spak pretendon se do ta dënojë, ja ku e ka Edi Ramën, mitingu i mbrëmshëm ishte shkelja më e rëndë e ligjit elektoral që ka ndodhur. Përdor administratën në bllok, e nxjerr në shesh se kështu po më sulmojnë familjen, po më sulmojnë gruan, po më sulmojnë Erion Veliajn”, tha Berisha. Kryetari i Partisë Demokratike, Sali Berisha u ndal edhe tek negociatat që po kryen me parti të tjera për të formuar një front të përbashkët në zgjedhjet e 11 majit. Berisha e konsideroi bonusin e pranverës që do u shpërndahet pensionistëve më 1 mars, si një mekanizëm elektorale në kundërshtim me ligjin dhe kodin zgjedhor.