Roja bregdetare algjeriane ka qëlluar për vdekje dy turistë që po pushonin në marok dhe që sic raportohet kaluan në ujëra algjerianë me jet-skitë e tyre. Ata ishin mes katër shtetasve me shtetësi të dyfishtë franko-marokene, që ishin nisur nga resorti maroken i Saidia-s. Një person i tretë i grupit u arrestua nga roja bregdetare që patrullon kufirin e mbyllur mes dy vendeve. Dy shtetety kanë një histori të gjatë tensionesh, të lidhur me pretendimet e marokut në saharanë perëndimore. Kufiri mes tyre u mbyll në 1994 me algjerin që ndërpreu marrëdhëniet dy vite më parë. Algjeria akuzoi Marokun për akte armiqësore, një akuzë kjo e hedhur poshtë nga rabati. Incidenti më i fundit, ka ngjallur zemërim në marok pasi një peshkatar postoi në rrjetet sociale pamjet e një trupi të pajetë që pluskonte mbi det. Mohamed Kissi ishte i vetmi nga grupi prej katër personash që mundi të kthehej në marok. “Ne humbëm por vazhduam të lëviznim deri sa e gjetëm veten në algjeri”, tha Kissi, vëllai i të cilit, Bilal, u vra. Ai shtoi se grupi kishte mbetur po ashtu edhe pa karburant. Ne e dinim se ishim në algjeri sepse një anije e zezë algjeriane erdhi drejt nesh dhe ata që ishin në bord thjeshtë qëlluan – tha ai. Kissi mohoi që grupi të ishte përpjekur të largohej, kur ata u ndaluan nga roja bregdetare dhe i tha medias lokale se i vëllai ishte përpjekur edhe ti fliste zyrtarëve para se të qëllohej. Më pas, Kissi ishte përpjekur të kthehej me not në saidia, ku edhe ishte gjetur nga marina marokene.