Talat xhaferi është rizgjdhur ne postin e kryetarit te Kuvendit ne Maqedonine e veriut. Me 62 vota “pro” të mazhorancës së re, Talat Xhaferi do të drejtojë në një mandat të dytë 4 vjecar parlmentin e maqedonas.. Në momentin e votimit të pranishëm në sallë ishin 105 deputetë, ku 62 votuan “pro”, 43 “kundër” dhe asnjë “abstenim”. Pro votuan deputetët e koalicionit “Mundemi” të udhëhequr nga LSDM-ja, deputetët e BDI-së dhe një votë e PDSH-së, ndërsa kundër votuan deputetët e VMRO-DPMNE-së. Deputetët e koalicionit ASH-AAA, braktisën sallën në momentin e votimit. Marrëveshja për krijimin e qeverisë së re u arrit pak ditë më parë mes lsdm dhe bdi, pas bisedimeve mes paleve, duke mandatuar Zoran Zaev ne postin e kryeministrit. Në qeverinë do të ketë 19 ministri nga 26 qe ishin më parë, pra shtatë më pak. LSDM do të drejtojë Ministrinë e Punëve të Brendshme, të Mbrojtjes, të Drejtësisë, të Arsimit, të Shëndetësisë. Po ashtu të kësaj partie do të jenë edhe zëvendëskryeministri për çështjet europiane dhe zëvendëskyeministri për çështje ekonomike. Shqiptarët për herë të parë do të drejtojnë ministrinë e jashtme; në krye të saj do të jetë Bujar Osmani. Ata do të kenë dhe zëvendëskryeministrin e parë dhe ministrinë për Sistemin Politik, atë të Financave, të Ekonomisë, dhe Mjedisit. Zoran Zaev tha se prioritete të qeverisë së do të jenë ekonomia, reformat gjyqësore, projektet kapitale infrastrukturore, mjedisi dhe investimet në shëndetësi.” LSDM dhe BDI tashmë i harmonizojnë platformat e tyre zgjedhore në programin e përbashkët qeveritar katërvjeçar”, tha ai. Ndërkohë, partitë opozitare shqiptare e kanë vlerësuar koalicionin e ri qeveritar si jo legjitim pasi sipas tyre ka manipuluar vullnetin e votuesve.