Edhe një seancë më shumë deputetët socialistët ngritën kartonin jeshil për të gjitha pikat e rendit të ditës mes zhurmuesve dhe pankartave. Kjo pasi deputetët e mbështetës të Sali Berishës dhe të Gazment Bardhit nuk dorëzohen dhe nuk heqin dore nga skenari i përsëritur i kaosit. Gjatë kësaj seance deputetët Flamur Noka dhe Gazment Bardhi nuk kanë qenë të pranishëm, për shkak të përjashtimit të tyre, prej tensioneve që shkaktuan në Komisionin për Reformën Zgjedhore. Por mungesa e tyre nuk pengoi deputetët e tjerë të vijonin me tension në seancë, megjithëse këtë herë nuk kishte karrige të grumbulluara përpara foltores dhe as flakdanaë dhe tymuese. Deputetët protestuan me pankarta në duar kundër mazhorancës dhe kryeministrit Edi Rama si dhe me zhurmues të cilët bënë që seanca të zgjaste vetëm rreth 12 minuta ku u miratuan edhe disa projektligje.