Kryeministri Edi Rama e ka nisur ditën e enjte duke publikuar një video nga punimet për rindërtimin e Thumanës, që u shkatërrua nga tërmeti I 26 nëntorit. “Mirëmëngjes dhe me Thumanën që po rilind mbi themele të reja, ku pasi është shtruar e gjithë infrastruktura nëntokësore, do të nisë së shpejti të marrë formë një qytezë e re, moderne, me një cilësi krejt të re jete për familjet e goditura keqaz nga fatkeqësia e 26 nëntorit të shkuar, ju uroj një ditë të bukur", shkruan Rama Në videon e publikuar nga kryeministri veç pamjeve nga punimet jepen edhe detaje nga projekti. Në Thumanë janë 15 hektarë truall ndërtimi. Aty do të ndërtohen 14 pallate me 278 apartamente, 167 banesa individuale si dhe objekte publike që përfshin shkolla, çerdhe, qendra shendetësore dhe komunitare. Gjithashtu projekti ka parashikuar hapësirë publike, parqe dhe hapësira sporti dhe parkime publike.