Këngëtari i njohur amerikan, Robbie Williams, duket se ka bërë një hap shumë të rëndësishëm në jetën e tij private. Sipas “Mirror”, thuhet se artisti ka blerë një rezidencë në Zvicër, vlera e së cilës arrin deri në 24 milione paund. 46-vjeçari edhe gjatë pandemisë kishte treguar se jetonte bashkë me familjen e tij, në po të njëjtin vend. Edhe pse qëndrimi nuk pretendohej të ishte i përhershëm, duket se Williams ka ndryshuar mendje. Tashmë kengetari dhe bashkëshortja 41-vjeçare, Ayda Field, përfshirë edhe katër fëmijët: Teddy, 7 vjeç, Charlton, 5 vjeç, Coco, 23 muajsh dhe djali i vogël Beau, 6 muajsh, janë shpërngulur në shtëpinë afër liqenit “Geneva”. Mesohet se prona e tij arrin mbi 356 metra katrorë dhe sipas një burimi nga “The Sun”, familja e tij është shumë e kënaqur me këtë zgjedhje, sepse ata e duan ritmin e jetës, hapësirën dhe qetësinë që ka ai vend. Për më tepër, lagjia banohet nga familje te pasura, cka ben qe privatësia e tyre respektohet plotësisht.