Republikanët dënuan samitin e Gjenevës të mërkurën, duke pretenduar se Presidenti Biden i dha Presidentit Putin një fitore duke e përshkruar një Rusi të sëmurë si një "fuqi të madhe". Biden dhe Putin pozuan për kamerat përpara bisedimeve, të cilat presidenti i SHBA i përshkroi si bashkimin e "dy fuqive të mëdha". Strategu republikan John Feehery ka argumentuar se një "fuqi e nivelit të tretë" si Rusia, e cila ka një prodhim ekonomik më të ulët se California, nuk është e denjë për vlerwsimin e Biden. "Biden po e trajton atë sikur të ishim kthyer në mes të Luftës së Ftohtë. Ne duhet të përqendrohemi më shumë në Kinë, e cila është një kërcënim i rëndësishëm. Putini e do vëmendjen dhe Biden duket se ia dha me gjithë qejf.” Takimi ishte i shumëpritur, në një kohë kur marrëdhëniet midis Moskës dhe Uashingtonit janë në një nivel të ulët. Por me zyrtarët e Shtëpisë së Bardhë që kishin pritshmëri minimale për progres, republikanët thanë se kishin frikë nga një fitore e Putin në marrëdhëniet me publikun. "Ofrimi i një takimi Putinit është vetëm fitorja e fundit që Joe Biden i ka dhënë Rusisë, duke përfshirë heqjen dorë nga sanksionet për gazsjellësin Nord Stream 2, gjw qw dwmton sektorin e energjisë në SHBA," tha drejtoresha e komunikimit të Komitetit Republikan të Kombit Danielle Alvarez . "Dështimet e politikës së jashtme të Biden-it e kanë forcuar Rusinë në kurriz të vendit tonë. Populli Amerikan meriton një lider që i jep përparësi interesave tona dhe i bën pwrgjegjws aktorët e këqij,” përfundoi ajo.