Policia ka zhvilluar mëngjesin e kësaj të hëne një tjetër operacion antidrogë në qytetin e Krujës. Ende nuk dihet se në cilën zonë është përqëndruar operacioni. RENEA dhe FNSH janë duke zhvilluar kontrolle të shumta në banesa dhe pyje, me qëllim zbulimin e parcelave me kanabis. Dy ditë më parë u sekuestruan 17 mijë bimë kanabis në Krujë dhe në zonat përreth. Deri tani janë arrestuar emrat e 16 personave që u arrestuan. Në operacionin ku u përfshinë edhe Forcat RENEA, u kryenë kontrolle në sera, magazine, banesa në zona të pyllëzuara, ku në përfundim u sekuestruan afro 20 mijë rrënjë kanabis. Në përfundim të operacionit të koduar “Agimi” blutë shpallën gjithashtu në kërkim 24 persona dhe proceduan në gjendje të lire tre të tjerë. Strukturat e Policisë së Shtetit, në zbatim të planit të masave për kontrollin e territorit me qëllim parandalimin e kultivimit të canabisit kanë zhvilluar me sukses operacionin policor të koduar "Agimi", në zonën e Niklës, Halil dhe Arramerras të rrethit Krujë.