Bashkia e Tiranes ka pwrfunduar punimet ne njw bllok banimi në Sauk, ku jane rehabilituar 7 rruge qe ishin ne gjendje te rrenuar dhe eshte transformuar pamja e gjithe zonës. Kryebashkiaku Erion Veliaj u shpreh se ky është një premtim i mbajtur për banorët, dhe shtoi se punimet nga bashkia do të vijojnë me të njëjtën shpeshtësi edhe gjatë verës, kur njerëzit janë me pushime. Sipas tij, korriku dhe gushti janë muaj intensivë pune. “Më vjen mirë që kemi përfunduar 7 rrugë në 7 muaj, dhe kjo 7 herë 7 jonë është më produktive sepse ka një rezultat konkret, sesa 7 herë 7 e rrenave. Më vjen mirë që sportiviteti me të cilin merreshin dikur premtimet elektorale, është një përrallë nga e kaluara. Nëse socialistët thonë se Tirana do të bëhet me 24 orë ujë, sot më shumë se gjysma e qytetit ka 24 orë ujë. Nëse themi që do të vëmë dorë edhe në fshat, kjo bëhet realitet. Nëse themi se në 7 muaj do të bëhen këto 7 rrugë, e mbajmë fjalën”