Ministrat spanjollë ranë dakord të martën të shkurtojnë orët e punës duke I zbriur në 37.5 pa ndryshim në pagë, pavarësisht kundërshtimeve nga shoqatat e punëdhënësve. Gjatë mbledhjes javore, kabineti miratoi reduktimin, duke pakësuar me 2.5 orët e punës, nga 40 që janë aktualisht. Dekreti u hartua nga ministrja e Punës, Yolanda Diaz. "Ky propozim ka të bëjë me të jetuarit më mirë, të punosh më pak dhe të jesh shumë më produktiv dhe më efikas ekonomikisht," u tha Diaz gazetarëve. Nisma pritet të kalojë për votim në Parlament ku do të marr kartonat e jeshil për t’u miratuar edhe pse qeverisë së qendrës së majtë të udhëhequr nga kryeministri Pedro Sanchez, do t’I duhet mbështetja nga partitë e vogla. Plani i Diaz është të realizohet kjo ulje orari deri në fund të vitit 2025. Megjithatë, partia separatiste katalanase e qendrës së djathtë, Junts, ka shfaqur tashmë kundërshtim ndaj këtij propozimi.