Reali i Madridit mbrëmjen e së shtunës u ngjit në catinë e botës teksa fitoi titullin kampion bote për herë të pestë në historinë e tij duke mundur në finalen e zhvilluar në Rabat, Al Hilal me rezultatin 5-3. Por ky triumf kishte një domëthënie të madhe për trajnerin e Los Blancos, Carlo Ancelotti që fiton këtë trofe për herë të tretë, ndërkohë që në të gjithë karrierën e tij ai ka fituar 24 trofe. megjithatë italiani nuk është trajneri më fitues. këtë privilegj e gëzon pikërisht trajneri i Manchester City, pep Guardiola. Trajneri katalanas deri në këtë moment ka 32 trofe të fituar në karrierën e tij; 4 tituj në Premier League dhe Kupa të Ligës, 3 tituj në La Liga, bundesligë, Botërorë të klubeve dhe në Superkupën evropiane; 2 Liga Kampionesh , Kupa Mbreti, Kupa të Gjermanisë e Community Shield dhe 1 FA Cup.