Pas lirimit nga policia zvicerane reagoi edhe reperi i njohur shqiptar, Noizy. Në një postim në rrjetet sociale, këngëtari Rigels Rajku, thotë se bëhet fjalë për një keqkuptim të rëndë. Ai pretendon se është përfshirë padrejtësisht në një procedurë verifikimi nga autoritetet zviceriane pas shpifjeve ndaj tij nga një person, të cilit nuk ia përmend emrin por paraljmëron se do të përballet me pasoja ligjore. “Një keqkuptim i rëndë, i shkaktuar nga një shpifje e pastër, më përfshiu padrejtësisht në një procedurë verifikimi nga autoritetet zvicerane. Autori i kësaj shpifjeje do të përballet me pasojat ligjore”, shkroi Noizy në Instagram ndërsa theksoi se tashmë gjithçka është lënë pas krahëve e se ai do të vijojë koncertet.Ndër të tjera, Noizy i kërkoi falje edhe fansave në Zvicër pasi nuk mundi të performojë në koncertin që ishte planifikuar.