Shtetet e Bashkuara të Amerikës po e humbasin garën teknologjike me Kinën, e cila sipas një studimi Australian e ka lënë pas në 37 nga 44 sektorë. Sipas Institutit Australian të Politikave Strategjike, plani disavjeçar i Xi Jinping për ta shndërruar Kinën në epiqendrën globale të teknologjisë po jep frutet e veta. Instituti ka analizuar 44 fusha dhe në një raport të gjatë studimor thotë Kina ka avancuar para SHBA në teknologjinë ushtarake, atë hapësinore, inteligjencën artificiale, rrjetin 5G dhe robotikën. I vetmi sektor ku Kina është pas SHBA është industria e prodhimit të çipave. Por, as SHBA nuk e dominon këtë sektor, pasi prodhimi aktual global dominohet nga Tajvani dhe Koreja e Jugut. Raporti thekson se sanksionet amerikane ndaj disa kompanive kineze që akuzohen për vjedhje intelektuale të teknologjisë kanë dhënë efekt në ngadalësimin e përparimit të Kinës në këtë drejtim, por s’kanë mundur dot ta frenojnë atë.