Partia Demokratike I kërkon kryeministrit Rama që të deklarojë se sa I kushtuan biletat për në ndeshjen e NBA, mes New York Knicks dhe Indiana Pacers. Sipas të dhënave zyrtare online, këto bileta thotë Partia Demokratike kushtojnë nga 3,600 deri në 7,260 dollarë për person. Edi Rama nuk shkoi në SHBA për shqiptarët, por ahengu i datëlindjes së Alex Soros dhe ndeshja e NBA mes Neë York Knicks dhe Indiana Pacers, ishin arsyet reale të kësaj vizite luksi. Sot, nga kjo foltore po bëjmë një kërkesë të thjeshtë për transparencë. Sa kushtojnë biletat e ndeshjes së basketbollit, që familja Rama pati mundësinë ta ndiqte nga rreshti i parë, në ulëset më të shtrenjta të Madison Square Garden? Kush pagoi për këto bileta? Për të gjitha këto shpenzime, Partia Demokratike thotë se po mbledh informacion zyrtar, i cili më pas do t’i përcillet SPAK, por mbi të gjitha PD ditët në vijim do të depozitojë dhe të dhënat për deklarim të rremë të kryer nga kryeministri Edi Rama në deklaratën e pasurisë të vitit 2016 pasi nuk ka përshirë biletat e një ndeshjeje NBA të cilën e kishte ndjekur gjatë vizitës në SHBA.