Këshilli Ekonomik Kombëtar rinisi punën me mbledhjen e parë të zgjeruar për këtë vit nën drejtimin e kryeministrit Edi Rama. Ky këshill do të shërbejë si një platformë për një dialog sa më të hapur dhe konstruktiv mes qeverisë dhe biznesit. Sinkron Edi Rama: “Faktikisht është diçka që e thonë të gjithë, që viti që sapo mbyllëm ishte një vit i mirë për ekonominë shqiptare dhe ishte një vit i jashtëzakonshëm në mënyrë të veçantë për turizmin në Shqipëri, duke bërë që të ardhurat nga turizmi të kalojnë shifrën e 3 miliardë eurove, duke bërë që numri i turistëve të jetë më shumë se trefishi i popullsisë rezidente në Shqipëri dhe nga ana tjetër, duke bërë që gjithë kjo situatë pozitive e ekonomisë të reflektohet edhe në një rënie të mëtejshme të papunësisë, në 10.5%.” Rama bëri një panoramë ekonomike të vitit që lamë pas, ku evidentoi rritjen e investimeve të huaja direkte në vend.