“Parimi themelues i aleancës së atlantikut verior është se një sulm mbi një anëtar është një sulm ndaj të gjithëve. Ndaj, sfida humanitare aq e madhe si ajo që NATO po lë pas në Afganistan, duhet të përballohet bashkarisht”, kjo është ajo cka shkruan kryeministri shqiptar, Edi Rama, në një opinion të tij të publikuar nga Project Syndicate, faqen e opinioneve globale. “Është përgjegjësi e NATO-s të shpëtojë afganët”, e titullon opinionin e tij Rama. Ai vendos theksin tek historia e shqipërisë dhe shembujt e heroizmit përballë shkatërrimit të hebrenjve të evropës gjatë luftës së dytë botërore. “Askush nuk i kërkoi gjyshërve tanë të rrezikonin dhe shpesh të sakrifikonin jetët për të shpëtuar njerëzit nga holokausti, por sërish, shqiptarët, myzlimanë, të krishterë dhe ateistë, e bënë këtë. Falë kodit të nderit të shqiptyarit që i kërkon të gjithëve të strehojnë të huajt në nevojë, shqipëria ishte vendi i vetëm në evropë me më shumë hebrenj në fund të luftës se në fillimin e saj. Rama kujton edhe një tjetër fazë të historisë, kur persekutimin e përjetuan vetë shqiptarët, regjimin totalitar që burgosi, torturoi dhe vrau ata që i konsideronte armiq. Ne- shkruan ai – jetuam atë me të cilën njerëzit në afganistan po përballen tani ndërsa talebanët konsolidojnë pushtetin. E sot, shqipëria është vend anëtar i NATO-s, gëzon të mirat dhe ndan barrën e bashkëpunimit. Falë historisë së saj, është e drejtë që ne të ishim të parët në botë ti ofronim styrehim mijëra refugjatëve që i largohen talebanëve. Të gjithë vendet anëtare të NATO-s, duhet ta pranojnë përgjegjësinë e tyre. Ne duhet të veprojmë së bashku për të shpëtuar sa më shumë jetë njerëzish që të mundemi – shkruan kryeministri në opinionin e tij. E nëse shqipëria, anëtarja më e varfër e aleancës, është e gatshme të presë me mijëra refugjatë, përse anëtarët e tjerë të natos nuk e bëjnë këtë. Cfarë justifikimi mund të jetë i besueshëm aq sa të mundë detyrimet bazë njerëzore.