‘Pa modesti fare, ju kam nderuar!”. Kështu e mbylli Kryeministri Edi Rama daljen përmes një video-mesazhi të publikuar përmes rrjeteve sociale, duke folur për takimet dhe bisedimet në samitin mes BE-së dhe Ballkanit Perëndimor, që u mbajt të mërkurën në Bruksel. Rama foli edhe për gjyqin ndaj udhëheqësve të UÇK në Hagë, ku tha: “Për turpin e madh të të gjithë atyre që sponsorizojnë atë lloj drejtësie, ku shkeljet e standardeve dhe të drejtave të njeriut, shkeljet e të gjitha normave të procesit ligjor janë fakt. E vetmja normë që ka karakterizuar këtë farsë, ku ende pa u dënuar një president I zgjedhur demokratikisht nga populli dhe tre bashkëluftëtarë të uçk mbahen mbyllur, të izoluar. Tani që ka mbaruar ekspozeja e pseudo provave të akuzës dhe që ka mbaruar parade e dëshmitarëve qesharakë të sjellë në sallën e drejtësisë ndërkombëtare nga akuza dhe kanë mbaruar edhe dëshmitë tejet serioze të dëshmitarëve të mbrojtjes, pritet vendimi, uroj, shpresoj dhe lutem që viti i ardhshëm të jetë viti I mbylljes së perdes së këtij teatri absurd të drejtësisë ndërkombëtare dhe daljes nga iziolimi brutal I hashim thacit dhe tre bashkëluftëtarëve të tij. Vendet demokratike që sponsorizojnë këtë gjykatë, të reflektojnë mbi standardet e ulëta, mbi nivelin shumë nën vijat e kuqe të një drejtësie demokratike të gjithë kësaj që po ndodh prej vitesh, me njerëzit që të vetmin faj kanë që u rebeluan ndaj një regjimi satrap, morën armët për të mbrojtur dinjitetin njerëzor”.