Mediat greke kanë komentuar gjatë deklaratat e fundit në Prishtinë dhe Tiranë për bashkimin Kosovë-Shqipëri, duke kritikuar ashpër kryemninistrat Edi Rama dhe Albin Kurti. Gazetari grek Stavros Tzimas i ka kushtuar një analizë të gjatë deklaratave të zyrtarëve të Kosovës dhe Shqipërisë për bashkim në një shkrimin në gazetën “Kathimerini”. Sipas tij, bashkëpunimi mes shqiptarëve do të hapë Kutinë e Pandorës në Ballkan. “Me deklaratat e tij të fundit, ku ai e përcakton bashkimin e Shqipërisë me Kosovën në Shqipërinë e Madhe si synimin kryesor të karrierës së tij politike, kryeministri shqiptar Edi Rama ka hapur kapakun e “Ideve të Mëdha” e të rrezikshme ballkanike. Idetë e irredentizmit kanë ekzistuar gjithmonë në Ballkan, duke dalë në sipërfaqe sa herë që e lejojnë rrethanat historike dhe ato gjeopolitike”, shkruan ai në “Kathimerini”.