Një diplomat rus që mendohet se është i lidhur me agjencinë e spiunazhit të kremlinit, FSB, është gjetur i vdekur jashtë ambasadës ruse në Berlin. 35 vjecari, që ishte sekretar i dytë në ambasadë që nga 2019-ta, u gjet i pajetë jashtë ndërtesës nga rojat disa ditë më parë por lajmi është publikuar vetëm tani. Mjekët kishin shkuar menjëherë në vendngjarje por nuk kishin mundur të bënin asgjë. Ai besohet se ka rënë nga një dritare në katin më të lartë të ndërtesës në atë që ambasada e cilësoi një aksident tragjik. Por nuk është përcaktuar ndërkohë asnjë shkak për vdekjen pasi ambasada refuzoi ti bëhej autopsia. Për shkak se ai ishte diplomat në ambadasë, prokurori publik gjerman nuk ka autoritet të kryejë një hetim. Trupi i diplomatit, sipas Der Spiegel është kthyer në Rusi tashmë. Ministria e jashtme gjermane konfirmoi vdekjen por tha se nuk do të bënte më shumë komente për shkaqe privatësie.