Qendra Spitalore Universitare ka reaguar pas rastit të dhunimit të një mjekeje të spitalit infektiv nga familjarët e një pacienti që ndërroi jetë. Nisur nga rasti i dhunshëm ndodhur së fundmi ndaj koleges tonë, thuhet në deklaratë, ne dënojmë dhunën ndaj bluzave të bardha dhe kërkojmë mbështetjen në punën tonë të çdo pacienti dhe familjari, në mënyrë që shërbimi të vijojë normalisht dhe në cilësinë e duhur.