Ukraina raportohet se goditi një rafineri ruse të naftës dhe shënjestroi Moskën gjatë një sulmi ku u lëshuan të paktën 121 dronë. Një nga operacionet më të mëdha të këtij lloji që nga nisja e luftës I ndërmarrë nga ana e Kievit. Pamjet video të verifikuara nga BBC tregojnë momentin kur rafiernia përfshihet nga flakët në juglindje të kryeqytetit rus. Ndërkohë forcat ruse thamë se kishin rrëzuar 121 dronë që kishin shënjestruar 13 rajone, duke përfshirë Ryazanin dhe Moskën, por nuk raportoi për dëme. Ndërkohë nga ana tjetër autoritetet ukrainase thanë se tre persona u vranë dhe një u plagos kur një dron rus goditi një ndërtesë banimi në rajonin e Kievit. Andriy Kovalenko, kreu i qendrës së Ukrainës për luftën kundër dezinformatave, tha në Telegram se një rafineri nafte në Ryazan ishte goditur, si dhe fabrika Kremniy në Bryansk që Kievi thotë se prodhon raketa dhe armë të tjera. Agjencia shtetërore ruse e lajmeve RIA citoi një deklaratë nga fabrika Kremniy në Bryansk, e cila tha se puna ishte pezulluar pas një sulmi nga gjashtë dronë. Pavel Malkov, guvernatori rajonal, tha se shërbimet e urgjencës po punonin për shuarrjen e flakëve. Ndërkohë Kremlini i pranoi sulmet, por nuk përmendi dëme apo viktima duke theksuar se I kishte rrëzuar të gjithë dronët.