Top News – Qeveria siguron 600 mln euro hua / Eurobond me normë të lartë interesi, mbi 6 për qind

Ministria e Financave mori 600 milionë euro borxh me afat maturimi 5 vjeçar të martën përmes emetimi të një eurobondi në tregjet europiane të kapitalit. Sipas Ministrisë së Financave, interesi i bondit rezultoi 6,12 për qind. Shuma e marrë hua është 100 milionë euro më e lartë nga objektivi minimal i parashikuar në buxhetin e shtetit për këtë vit si huamarrje në tregjet ndërkombëtare. Kur prezantonte buxhetin në komisionet parlamentare, ministrja e Financave, Delina Ibrahimaj deklaronte se dalja në tregjet ndërkombëtare për Eurobond do të kryhej vetëm nëse kushtet e tregjeve ishin të qëndrueshme dhe borxhi i ri do të përdorej për të shlyer një borxh më të vjetër.