Pagat e ushtarakëve do të rriten me 30 përqind duke filluar nga muaji korrik. Në mbledhjen e kabinetit qeveritar, një fokus të veçantë mori agresioni rus, i cili rrit domosdoshmërinë e forcimit dhe motivimit të forcave të armatosura. Ministri i Mbrojtjes, Niko Peleshi e konsideroi rritjen e pagave të ushtarakëve, një vendim historik i cili do të shtrihet në të gjitha hallkat dhe funksionet brenda forcave të armatosura. Të gjithë ushtarakët nga data 1 korrik do kenë pagë 30% më të lartë. Ç’ka do të thotë se, paga minimale në FA është më shumë se 51 mijë lekë të reja, shtuar këtu dhe paga shtesë të trajtimit ushqimor dhe trajtime të tjera sipas vështirësive. Kemi krijuar dhe një aneks, ku kjo kategori, merr shtesë mbi pagën shtesë. Si struktura ushtarake e mbrojtjes kibernetike, veç 30% do marr dhe 20 mijë lekë të reja shtesë.