Qeveria do të shpërndajë 8 miliardë lek si ndihmë financiare të drejtpërdrejt për qytetarët. Shifra u bë publike nga Kryeministri Edi Rama, që thotë se paketa e ndihmës është më e madhja dhe ajo synon zbutjen e efekteve nga rritja e ccmimeve te familjet shqiptare. Përmes një postimi në rrjetet sociale kryeministri Rama deklaroi se kategoritë që përfitojnë nga mbështetja janë pensionistët, familjet në ndihmë ekonomike, posaçërisht nënat kryefamiljare në skemën e ndihmës ekonomike, paraplegjikët, tetraplegjikët, personat me aftësi të kufizuara, invalidët e punës dhe disa kategori të punonjësëve të shtetit. Rama interpretoi shifrat kur tha se mbështetja financiare e dhënë ndaj qytetarëve për procesin e rindërtimit, pandemisë së koronavirusit dhe krizës ekonomike, renditet ndër më të lartat që janë dhënë në Shqipëri përgjatë viteve.