Një vajzë 3-muajshe u kafshua për vdekje nga qeni në shtëpinë e saj në Irlandë. Foshnja u masakrua në dhomën e saj në orët e para të së hënës, në një banesë në fshatin Clashmore të kontesë Waterford. Me plagë të rënda në kokë, policia dhe shërbimi i urgjencës i dhanë vajzës ndihmën e parë dhe e dërguan menjëherë në spitalin më të afërt, por aty ajo vdiq në orën 3:15 të mëngjesit. Policia vazhdon hetimin si dhe do të kryhet autopsia mbi trupin e vajzës. E ëma e vajzës është në të njëzetat dhe nuk kishte shumë kohë që ishte transferuar në zonë. Banorët u shprehën të tronditur nga vdekja e një foshnje kaq të vogël në rrethana kaq tragjike. Ndërsa një nënë e re, fëmijët e së cilës po luanin aty pranë tha: “Gjëja e parë që dëgjova në mëngjes ishte ky lajm i hidhur, dhe nuk isha në gjendje të bëja më asgjë, sepse kur ke edhe vetë fëmijë të vegjël, je gjithmonë në merak për atë që mund të ndodhë në cdo moment.” Ndërsa Irlanda ka ligje që detyrojnë vënien e maskës për disa raca qensh, atje nuk ka asnjë racë të ndaluar sic është pit bull terrier në Britaninë e Madhe.