I ndërgjegjshëm për plagët ende të pashëruara nga bombardimet e NATO-s ndaj Serbisë më shumë se 20 vjet më parë, ambasadori i Ukrainës u shfaq në një televizion serb pasi Rusia pushtoi dhe bombardoi vendin e tij me shpresën për të ngjallur simpatinë e serbëve. Megjithatë, në vend që të shpjegonte mjerimin e Ukrainës, ambasadorit Oleksandr Aleksandrovych, iu desh të përballej me sharjet e komentuesve serbë, pro-rusë dhe deklaratat e presidentit rus Vladimir Putin, ku denonconte Ukrainën si një fole naziste. Emisioni i transmetuar nga Happy TV, një televizion pro-qeveritar, zgjati tre orë, ku në më shumë se gjysmën e kohës, shfaqej Vladimir Putin. Ambasadori iu ankua producentit për ushtrimin e propagandës pro-Kremlinit, por iu komunikua se sipas vlerësimit të tyre Putin është një figurë politike me vlera.