Presidenti rus Vladimir Putin ka akuzuar SHBA për standarte të dyfishta për mënyrën se si i ka trajtuar protestuesit e saj në dhunën në ndërtesën e kongresit. Ai tha se ishte e gabuar që SHBA të kritikonte raprezaljet mbi protestat anti qeveritare jashtë vendit ndërkohë që përndjek amerikanët me kërkesa politike. Duke folur në një forum në shën pjetërburg, Putin shprehu pritshmëri të ulëta për takimin e tij me presidentin amerikan joe Biden në gjenevë të zvicrës. Ai tha se nuk pret asnjë rezultat nga biseda e tyre më 16 qershor. Ai po ashtu mohoi edhe sugjerimet se sulmet e fundit kibernetike mbi kompanitë amerikane e kishin origjinën në rusi dhe refuzoi pretendimet se Moska ishte përzierë në zgjedhjet amerikane. Putin lëshoi disa nga kritikat më të ashpra për dënimin nga ana e SHBA të raprezaljes ndaj protestave anti qeveritare të bjellorusisë, aleate rajonale e moskës. Ai madje sugjeroi se protestuesit amerikanë që morën pjesë në trazirat në kongres, po trajtoheshin padrejtësisht. “Ata nuk ishin vetëm një turmë banditësh”, tha Putin për mbështetësit e Trump që sulmuan kongresin në 6 janar dhe përkohësisht pezulluan punimet e seancës që do të certifikonte fitoren e Biden. “Ata njerëz kishin kërkesa politike”, tha ai. Kur moderatori i forumit sugjeroi se komentet e putinit për dhunën në kongresin amerikan mund të bënin që ai të dëbohej nga platformat e mediave sociale, lideri rus u prit me ovacione pasi deklaroi: Nuk më intereson aspak.