Ndihmat ushtarake të perëndimit për Ukrainën, vecanërisht dërgimi i tankeve moderne të luftës atje, ka zemëruar rusinë e cila, sipas analistëve ushtarakë është në vështirësi për shkak të fuqisë së mangët të zjarrit. Ndaj, duket se Moska ka nisur të planifikojë se si do ti përgjigjet armëve të reja, të avancuara, me të cilat do të përballet në fushëbetejë. Vendi ka nisur të trajnojë njësitë e të ashtuquajturve Gjuetarë të Tankeve ndërkohë që zëvendës ministri rus i mbrojtjes ka urdhëruar edhe krijimin e një strukture të re, që quhet ndryshe ‘Vrasësit e tankeve”. Ukraina ka marrë së fundmi tanket britanike Challenger dhe ata gjermane Leopard. Po ashtu ka marrë edhe mjete të blinduara Cougar dhe Stryker nga SHBA. Ndërsa tanket amerikane Abrams, do të dorëzohen brenda këtij viti. "Ne i dimë të gjitha pikat e forta dhe të dobëta të tankeve dhe po stërvitim ekipet për të luftuar sistemet luftarake", thanë zyrtarët rusë. Sipas tyre, njësitë anti tank po trajnohen nga instruktorë veteranë dhe se grupet përbëhen nga një numër i vogël ushtarësh të armatosura me raketa hedhës që drejtohen nga dronë zbulimi. Vrasësit e tankeve, ka të ngjarë të përdorin sistemet antitank 9M133 Kornet, të ngjashëm me Javelinët amerikanë. Ndërkohë që flitet se ata mund të përdorin edhe municione me uranium të varfëruar.