Vladimir Putin ka folur për luftën me Ukrainën gjatë konferencës në Forumin Ekonomik Lindor. Presidenti rus tha se kundërofensiva e Ukrainës nuk ka bërë ndonjë përparim, pavarësisht se kundërshtarët e tij propagandojnë të kundërtën. Në fjalën e tij ai akuzoi shërbimet sekrete britanike se janë përfshirë në trajnimin e diversantëve ukrainas për të kryer sulme në infrastrukturën ruse. Ndër të tjerash Putin e ka konsideruar një krim përdorimin e municioneve thërrmuese dhe armatimeve që përdorin uranium të varfëruar nga forcat ukrainase. Kjo deklaratë e Putin vjen një ditë pasi autoritetet në Ukrainë bënë me dije se trupat e saj ushtarake kanë rikthyer kontrollin e territoreve në frontet lindore dhe jugore. Deklaratë, e cila ra në kundërsishim edhe me gjeneralin e ushtrisë amerikane, Mark Milley. Ai bëri me dije se Ukrainës i kanë mbetur më pak se 30 ditë për të luftuar, pasi ulja e temperaturave do të ndikojë në kundërofensivën.