Vladimir Putin i ka bërë një kërcënim drithërues Boris Johnsonit duke i thënë se mund ta vriste në një sulm me raketa dhe këtë e zbuloi vetë ish kryeministri britanik. Telefonata kërcënuese e Putinit erdhi një ditë pasi Boris Johnson vizitoi Kievin, shkurtin e kaluar, në mesin e frikës për një pushtim rus. Johnson se bëri rrëfimin shokues në një intervistë për BBC. Ai u përpoq ta shfrytëzonte udhëtimin e tij për të paralajmëruar Kremlinin se një sulm mbi ukrainën do të ishte katastrofik. Ndërkohë, Putin ishte bërë paranoiak dhe nuk donte të shihte NATO-n ti afrohej kufijve të tij. Moskës iu tha se do të kishte sanksione të ashpra nëse putin pushtonte e madje më shumë NATO pranë kufijve të Rusisë, e jo më pak...e kjo sipas Johnsonit bëri që Putin të lëshonte kërcënimin e pashoq. “Vetëm ideja se presidenti rus mund të ketë kërcënuar personalisht me jetë një kryeministër britanik, është dicka e jashtëzakonshme”, tha ndërkohë ish ministri i forcave të armatosura Mark Fransua. Johnson foli për telefonatën kërcënuese në një dokumentar me tre pjesë të BBC2, të titulluar Putin kundër Perëndimit.