Rusia dyshohet se po planifikon të aneksojë Bjellorusinë dhe ta absorbojë atë në federatën ruse deri në vitin 2030, sipas disa dokumenteve presidenciale të cilat janë zbuluar së fundmi. Dosja sekrete, që raportohet se daton nga vera e dy viteve më parë, është titulluar “Objektivat strategjikë të federatës ruse në Bjellorusi’ dhe përmban tre skenarë të mundshëm; afatshkurtër, afatmesëm dhe afatgjatë, për aneksimin e bjellorusisë dhe kthimin e një pjese të ‘Rusisë historike’. Plani afatmesëm do ta shihte bjellorusinë të bëhej formalisht pjesë e rusisë deri në 2025-ën, ndërsa ai afatgjatë jep një kornizë kohore prej shtatë vitesh. Planet, raportohet se janë hartuar nga drejtoria presidenciale për bashkëpunimin ndërkufitar në rusi, një divizion qeveritar i krijuar nga Putin në 2018-ën dhe janë publikuar nga e përditshmja gjermane, Zidojçe Cajtung.