Presidenti rus Vladimir Putin vizitoi për herë të dytë në dy muaj qendrat e komandës së forcave ruse që luftojnë në Ukrainë. Ndërkohë Presidenti ukrainas Volodymyr Zelensky vizitoi trupat pranë vijës së frontit. Vizitat, në ditë dhe provinca të ndryshme, synojnë të forcojnë vendosmërinë e ushtarëve ndërsa lufta i afrohet muajit të 14 dhe Kievi përgatitet për një kundërsulm të mundshëm, me armë të furnizuara nga Perëndimi. Dsa nga armatimet më të rëndësishmet duket se kanë mbërritur tashmë. Faqja në internet e qeverisë federale të Gjermanisë renditi të martën sistemin Patriot të raketave tokë-ajër, si ndër artikujt ushtarakë të dërguar në Ukrainë gjatë javës së kaluar. Për muaj të tërë Ukraina ka kërkuar me ngulm nga aleatët e saj sistemin e raketave Patriot dhe sisteme të tjera të mbrojtjes ajrore, dhe duket se Gjermania ishte e para që bëri dërgesën.