Situata me zjarret në Pustec është më e qëndrueshme, teksa vetëm një prej vatrave të zjarrit paraqet rrezikshmëri, aty ku janë përqëndruar forcat zjarrfiëkse për të bërë të mundur shuarjen e saj. Kryebashkiaku i Pustecit, Pali Kolefski tha se paraprakisht flitet për gati 10-15 hektarë sipërfaqe të djegur. Pali Kolefski, kryebashkiaku i Pustecit "Situata është pak më e qetë, po e monitorojmë dhe shpresojmë që era të mos favorizojë përhapjen e ndonjë vatre të mundshme. Të gjithë punonjësit e zjarrfikëses, të zonave të mbrojtura dhe të shërbimeve janë në terren dhe shpresoj që sot ta mbyllim. Një vlerësim të saktë të sipërfaqes momentalisht nuk kemi, por besoj se është gati 10-15 hektarë." Drejtori i Agjencicë Kombëtare të zonave të mbrojtura Gjergji Koki tha se dërgesat me ujë për shuarjen e flakëve janë bërë me kafshë, në kushte shumë të vështira.