Autoriteti Rrugor Shqiptar ka njoftuar të gjithë shoferët që do të qarkullojnë të enjten në aksin Tiranë-Elbasan, për një devijim të trafikut. Në këtë aks do të fillojë ndërtimi dhe riparimi i trafikndarëseve prej betoni, ndaj dhe do të ketë ngushtim të karrexhatës, kështu që janë publikuar edhe skemat e lëvizjes. Ndryshimi i lëvizjeve normale do të filojë që nga ora 07 30 e mëngjesit. “Punimet do të sjellin një ngushtim të përkohshëm të karrexhatës për të dyja drejtimet e lëvizjes si Tiranë-Elbasan edhe anasjelltas, nga km 10, pa shkuar te rrethrrotullimi i Ibës, dhe tek km 10+800 metra pa shkuar te rrëshqitja e Ibës”, thuhet në njoiftimin e ARRSH. Drejtuesit e mjeteve dhe përdoruesit e rrugës njoftohen se Autoriteti Rrugor së bashku me kontraktorin që kryen punimet, përfshirë edhe Policinë Rrugore kanë marrë të gjitha masat e nevojshme për të mos penguar trafikun. ARRSH ka kërkuar mirëkuptimin e përdoruesve të rrugës, bizneseve dhe banorëve për punimet që do të kryhen në rrugë. Aksi rrugor Tiranë-Elbasan është një ga më të rëndësishmit në vend pasi ligj kryeqytetin shqiptar me juglindjen e vendit si dhe shërben si kalim edhe për udhëtarët që lëvizin drejt Maqedonisë sw veriut.