Është zhvilluar këtë të martë seanca e parë paraprake në gjykatën e Posaçme për ish-kryebashkiakun e Kavajës, Elvis rroshi, i dyshuar nga SPAK për veprën penale “shpërdorim detyre”. Mbrojtësi ligjor Andi Skënderi, dha shpjegime përpara gjykatës për parashkrim të veprës penale dhe të episodeve që dyshon SPAK se janë kryer shkelje nga ish kryebashkiaku. Avokati i Rroshit i kërkoi shpjegime prokurorit Elvin Gokaj për ndryshimin e veprës penale nga “shkelje e barazisë në tendera” në “shpërdorim detyre”. Sakaq, ai kërkoi kohë nga gjykata që të japë sqarimet me shkrim në seancën e ardhshme. Gjykata e Posaçme caktoi datën 3 prill për seancën e radhës.