“Nëse nuk do ta vrisja unë do më vriste ai”, kështu ka deklaruar autori I dyshuar I vrasjes së Jani Aliajt në burgun e Koridhalos para grupit hetimor. Ai pretendoi se ka vepruar në kushtet e vetëmbrojtes, Sipas mediave greke, 28-vjeçari me shtetësi greke ka deklaruar se ndjehej i rrezikuar për jetën dhe se, sipas tij, ishte viktima ai që ishte paguar për ta eliminuar ndërsa e lidhi ngjarjen me një konflikt të mëparshëm dhe një vrasje të ndodhur disa muaj më herët në zonën e Agios Panteleimonas. Aliaj humbi jetën si pasojë e goditjeve me thikë të mara gjatë përplasjes me 28-vjeçarin grek. Ngjarja dyshohet të ketë ndodhur në një sektor të burgut pa kamera sigurie, në një moment kur të burgosurit kishin liri lëvizjeje brenda ambienteve. Sipas autoriteteve, para incidentit nuk ishin raportuar konflikte apo sinjale paralajmëruese mes viktimës dhe autorit të dyshuar. Pas dhënies së dëshmisë, 28-vjeçari është rikthyer në qelinë e tij dhe pritet të përballet me procesin gjyqësor, ndërsa rrezikon një tjetër dënim me burgim të përjetshëm.