Socialistët rrëzuan kërkesën e Partisë Demokratike për nisjen e procedurave të shkarkimit të Presidentit të Republikës, Bajram Begaj. Kërkesa u diskutua në komisionin e ligjeve këtë të premte. PD e akuzon Presidentin Bajram Begaj për shtatë shkelje të rënda dhe të vazhdueshme të Kushtetutës dhe ligjeve të tjera të vendit. Sipas opozitës, shkeljet e tij nisin me shpalljen me dekretin e shpalljes së zgjedhjeve në Tiranë, duke marrë kompetencat e Gjykatës Kushtetuese, vazhdojnë me ndërprerjen e mandatit të Sonila Bejtjas si anëtare e Gjykatës Kushtetuese, me dekretin që shpalli ligjin për komisionet hetimore parlamentare, dekretimin e Diellës si ministre në Qeveri, mosndalimin e përfshirjes së diplomatëve në fushatë elektorale, përfshirja e stafit të tij në fushatë elektorale dhe me përfitimet personale të të bërit, apo edhe punësimin e vetë Begajt në sektorin privat. Në fund, PS rrëzoi me 9 vota kundër dhe 5 pro kërkesën e opozitës për nisjen e procedurave të shkarkimit të Presidentit, ndërsa në seancën e së enjtes, socialistët rrëzuan po me kartonë kërkesën e PD për shkarkimin e kryetarit të Kuvendit, Niko Peleshi.