Partia Socialiste do të mbledh më 20 korrik Kongresin, organin kolegjial më të lartë. Në mbledhjen e Asamblesë Kombëtare të zhvilluar këtë të martë online, kryeministri Edi Rama u shpreh i kënaqur me procesin e rienergjizimit të partisë ndërsa tha se për zgjedhjet e vitit të ardhshëm platfomra digjitale “Deputeti që duam” do të jetë më e gjerë. ne krijuam për herë të parë një platformë digjitale të quajtur “Deputeti që duam” dhe mblodhëm një numër jo të vogël për hir të së vërtetës shprehjesh interesi për tu bërë pjesë e procesit të përzgjedhjes së deputetëve të PS. Disa nga të rinjtë që u paraqitën në atë platformë u bënë dhe pjesë e listave tona zgjedhore, por në përzgjedhjet e ardhshme platforma do të jetë më e gjerë dhe do të parashohë një proces disi më të artikuluar dhe për këtë arsye është mirë që t’i japim vetes kohën e nevojshme nga Kongresi zgjedhor deri në momentin kur do të bëhet dhe përzgjedhja përfundimtare e listës së deputetëve dhe deputeteve të Partisë Socialiste.