Koreja e veriut tha të hënën se lëshimet më të fundit të raketave prej saj ishin në fakt sulme të simuluara mbi korenë e jugut dhe shtetet e bashkuara ndërsa dy vendet zhvilluan stërvitje të përbashkëta, të rrezikshme ndërkohë që koreja e jugut tha se kishte gjetur pjesë të një rakete koreano veriore afër brigjeve të saj. Javën e shkuar, koreja e veriut testoi disa raketa, përfshirë edhe një raketë balistike ndërkontinentale që me gjasë dështoi. Vec tyre, peniani lëshoi edhe me qindra predha artilerie në det ndërsa Koreja e jugut dhe SHBA kryen një stërvitje gjashtë ditore që përfundoi të shtunën. Ushtria e Koresë së veriut tha se stërvitja Vigilant Storm, ishte një provokim i hapur që ka si qëllim rritjen e tensioneve ndërkombëtare dhe njëkohësisht shumë e rrezikshme për shkak të natyrës së saj shumë agresive. Ushtria koreanoveriore tha ndërkohë se kishte kryer aktivitete që simulonin sulme mbi bazat ajrore dhe avionët, si edhe mbi një qytet të madh koreano jugor, për të shkërrmoqur armiqtë.