Këtë vit ka një protokoll të posaçëm për të gjithë bizneset dhe personat që kanë vendosur të pushojnë në këtë sezon veror, pas kalimit të një periudhe të vështirë të pandemisë së COVID-19, i cili akoma nuk është larguar plotësisht. Këto masa duhet të ndërmerren nga të gjitha sipërmarrjet e shërbimeve turistike për mbarëvatjne e aktiviteteve të miratuara sit ë lejuara. Ato janë përgatitur nga ministria e Turizmit dhe Mjedisit në bashkëpunim me Ministrinë e Shëndetësisë dhe Mbrojtjes Sociale. Protokolli është i vlefshëm vetëm në rast të heqjes së masave kufizuese nga Qeveria Shqiptare dhe në rast të lejimit të ushtrimit të aktiviteteve turistike. Përveç rregullave të përgjithshme, përfshihet dhe një manual për administrimin e ushqimit dhe pijeve, apo për vendosjen e tavolinave, ku karriget duhet të jenë 1 metër distancë nga njëra-tjetra. Rekomandohet që të gjitha bizneset të bëjnë pastrim i përsëritur të ambienteve të jashtme dhe të brendshme. Në evente të ndryshme duhet të respektohet distancimi fizik ose të zhvillohen në ambjente të hapura deri në 50 persona. Sa i përket çadrave, duhet të vendosen në distancë 3 metra për të shmangur infektimin me COVID-19. Ky Protokoll përmban parakushtet, kushtet dhe rregullat për të orientuar dhe rekomanduar industrinë turistike për masat e nevojshme që duhet të ndërmerren përgjatë periudhës së pranisë së COVid 19.