Komiteti i ekspertëve në Greqi ka rekomanduar reduktimin e kohëzgjatjes së certifikatës së Covid në 3 muaj. Vendimi përfundimtar do të merret nga Ministria e Shëndetësisë, e cila do të shqyrtojë propozimin e shkencëtarëve dhe pritet të vijojë me njoftimet përkatëse. Sipas sugjerimit, të gjitha certifikatat e lëshuara deri ne tetor do të skadojnë në janar të vitit të ardhshëm. Nëse propozimi i komitetit do të miratohet, ky do të jetë një hap tjetër për të rritur numrin e të vaksinuarve. Pas 3 muajsh, pacientët do të kenë një muaj kohë për tu vaksinuar me dozën e tretë kundër koronavirusit dhe për të marrë certifikatën e vaksinimit, në mënyrë që të lëvizin lirshëm. Nëse qytetarët nuk vaksinohen, nuk do të kenë akses në hapësirat e mbyllura siç po ndodh aktualisht më të pavaksinuarit në vendet e tjera të botës.