Hetimet lidhur me origjinën e ndotjes mjedisore që u shkaktua nga hidrokarburet pak ditë më parë në Durrës, kanë ngecur për shkak se shteti ynë nuk disponon një laborator për analizimin e llojit të ndotjes. Ndonëse hetimet nga ana e prokurorisë së Durrësit nisën pak ditë më parë, pas krimit mjedisor të shkaktuar në zonën e Plazhit dhe më pas në zonën e Shënavlashit, punimet për të zbardhur këtë ngjarje janë vështirrësuar. Në një dokument zyrtar, Inspektorati shtetoror teknik dhe indutstral shprehet se realizimin e veprimtarisë ky institucion e kryen nëpërmjet inspektorëve, sipas strukturës së përcaktuar dhe në këtë kuptim nuk ka ekspertë. “Kjo nuk parashikohet në detyrat ligjore të këtij institucioni, për më tepër ju lutem drejtojuni ekspertëve të pavarur."- thuhet në përgjigjen e ISHTI-së per komisariatin e policisë së Durrësit.