Një propagandist i njohur rus akuzoi bosin e grupit Vagner se ka dalë nga binarët pasi ka marrë miliarda në fonde publike ndërsa narrativa e re e moskës merr formë tani pas rebelimit të shkurtër të mercenarëve. Fundjavën e kaluar, shefi i grupit të mercenarëve, Jevgeni Prigozhin, udhëhoqi forcat e tij në një rebelim jetëshkurtër kundër drejtuesve kryesorë të ushtrisë ruse, duke turpëruar jo pak kremlinin. “Prigozhin doli nga binarët për shkak të parasë së madhe”, tha Dmitry Kisilev, një nga imazhet kryesore të makinerisë ruse të propagandës. “Ai mendonte se mund të sfidonte personalisht ministrinë e mbrojtjes, shtetin dhe presidentin “. Kisilev tha se operacionet e Vagnerit në Siri dhe Afrikë i kanë dhënë Prigozhinit ndjesinë e mosndëshkimit që më pas u përforcua nga sukseset e forcave të tij në Ukrainën lindore. Pa dhënë ndonjë provë, Kisilev tha se Vagner ka marrë më shumë se 858 miliardë rivla ose 17.5 miliardë euro nga fondet e shtetit. Në një pohim të bujshëm më herët këtë javë, edhe presidenti rus Vladimir Putin tha për të parën herë se autoritetet ruse kanë financuar plotësisht pajisjet e paraushtarakëve. Mes majit 2022 dhe majit 2023, Vagner ka marrë më shumë se 86 miliardë rubla nga shteti – tha Putini.