Shefi i mercenarëve rusë, Yevgeny Prigozhin, i është drejtuar publikut me një video, për të parën herë që nga rebelimi jetëshkurtër ndaj lidershipit të Rusisë në fund të qershorit. Në orët e vona të mbrëmjes së të hënës, Prigozhin u shfaq në një klip, që besohet se është filmuar në Afrikë, që u publikua në kanalet e platformës Telegram të lidhura me grupin Ëagner. Prigozhin shihet duke qëndruar në një shkretëtirë, me një armë në dorë. Në sfond, shihen edhe shumë njerëz të tjerë të armatosur. Agjencia e lajmeve Reuters thotë se nuk ka mundur të verifikojë datën apo vendin ku është filmuar videoja, por komentet e Prigozhinit dhe disa postime në kanalet pro-Ëagnerit në Telegram sugjerojnë se videoja është regjistruar në Afrikë. “Temperatura është 50 gradë celcius, gjithçka ashtu siç na pëlqen. Ëagner e bën Rusinë edhe më të madhe në të gjitha kontinentet dhe e bën Afrikën më të lirë. Drejtësi dhe lumturi për popullin afrikan, ne po e bëjmë jetën një makth për ISIS-in dhe Al-Kaedën e banditët e tjerë”, tha Prigozhin në video.