Kjo ka qenë deklarata e kreut të grupit parlamentar të Partisë Socialiste, Taulant Balla, bërë disa ditë më parë, i pyetur nga gazetarët nëse do të bashkëpunonte me ish-kryeministrin Sali Berisha. Por Balla duket se ka ndryshuar qëndrim, nëse i referohemi deklaratës së kësaj të hëne. I pyetur se me cilin grup të Partisë Demokratike do të bisedohet, Balla theksoi se Presidenti zgjidhet në Kuvend, edhe konsultimi do të ndodh me grupet parlamentare që janë në Kuvend, ndërsa shtoi se çfarë ndodh brenda partive është problemi i tyre i brendshëm, duke iu referuar luftës PD-Komisioni i Rithemelimit. Por ky duket një hap pas nga kreu i grupit socialist, referuar deklaratës së tij të bërë më parë. Kjo pasi në bazë të vendimit të 25 marsit nga Gjykata e Tiranës, Komisioni i Rithemelimit pjesë e të cilit është ish-kryeministri Berisha, drejton Partinë Demokratike, ashtu siç është vendosur në Kuvendin e 11 dhjetorit.