Presidenti i Republikës, Bajram Begaj zhvilloi një takim pune në Mal të Zi ku u takua me presidentin e Malit të Zi, Jakov Milatoviç. Biseda e dy homologëve u fokusua në përshpejtimin e procesit të integrimit të vendeve të Ballkanit Perëndimor në Bashkimin Europian. Facebook Begaj: “Me mikun tim dhe fqinjin tonë, Jakov Milatovic, për një qasje të përbashkët ndaj ndryshimeve që sjellin zhvillim të qëndrueshëm në rajon.” – shprehet Begaj në Facebook, teksa publikon foto gjatë takimit me presidentin malazez. Pjesë e bisedës së presidentit Bajram Begaj dhe homologut të tij të Malit të Zi, Jakov Milatoviç ka qenë vijimi i politikave të fqinjësisë së mirë, mbështetja e ndërsjelltë e projekteve që synojnë zhvillimin e dy vendeve, si dhe në përshpejtimin e procesit të anëtarësimit të Ballkanit Perëndimor në unionin europian. Presidenti i republikës, Bajram Begaj e vlerësoi bisedën me homologun e tij, për rëndësinë e afrimit të qëndrimeve në lidhje me çështjet dypaleshe dhe rajonale në kontekstin e ndryshimeve që sjellin zhvillim të qëndrueshëm për rajonin.