Presidenti i Republikës, Bajram Begaj u prit nga kryeministri i Hungarisë, Viktor Orban. Biseda e tyre u fokusua në intensifikimin e dialogut politik mes dy vendeve si aleate në NATO, si dhe në situatën e sigurisë në rajon, duke theksuar se anëtarësimi i rajonit në Bashkimin Evropian rrit më tej sigurinë në rajon, por edhe në vetë Bashkimin Evropian. Diskutimet u ndalën edhe në bashkëpunimin ekonomik mes Shqipërisë dhe Hungarisë, ku u nënvizuan investimet në sektorin bankar, telekomunikacion dhe transportin ajror. “Të mos hezitojnë të ndjekin shembullin e kompanive shumë të suksesshme hungareze që operojnë tashmë në Shqipëri”, - mësohet të jetë shprehur presidenti i Shqipërisë, duke i shprehur Kryeministrit Orban përkushtimin për të inkurajuar hyrjet e mëtejshme të kapitalit hungarez në vend.