Britania ka rënë dakord t’i shesë luftanije dhe raketa Ukrainës ndërkohë që tensionet me rusinë rriten. Sekretari i mbrojtjes, Ben Uallace, nënshkroi një marrëveshje me Ukrainën për të rritur kapacitetet detare të ushtrisë së vendit pasi rreth 100 mijë trupa u vendosën në kufi në mesin e frikës për një pushtim të mundshëm. Presidenti ukrainas, Volodimir Zelenski pretendon se vendet perëndimore kanë të dhëna inteligjence për lëvizjet ushtarake të rusisë pasi SHBA paralajmëroi për një sulm të mundshëm. Marrëveshja e re mes britanisë dhe ukrainës, do të bëjë që Kievi të pajiset me dy anije anti minë dhe në total tetë anije suylmi, si edhe sistemet e armatimeve që do ti vendosen anijeve ekzistuese. Do të ketë edhe prodhim të përbashkët të një fregate dhe mbështetje teknike për vendin në ndërtimin e infrastrukturës navale.